26 апрельдә Татарстан Республикасы Милли музеенда икенче тапкыр “Библиотөн” дип аталган акция узды. Музейга килүчеләр “Китап ярминкәсе” белән таныштылар. Үзләренә ошаган китапны сатып та алырга мөмкиннәр иде. “Балаларга китап” дип исемләнгән Смартмоб та үз эшен дәвам итте. Көн дәвамында музейга балалар китабын алып килүчеләр өзелеп тормады. “Кунак ашы – кара каршы” дигәндәй, китап алып килүчеләр дә буш кул белән китмәделәр. Аларга музейга керү өчен бушлай билет тапшырылды. “Музей поэмасы”н язу да күпләрнең күңеленә хуш килде. “Балалар мәйданчыгында” исә, сабыйлар остаханәләрдә үз осталыкларын сыный алдылар. Басма матбугатта нәшер ителүче алдынгы журналлар белән дә таныша алдылар музей кунаклары. “Казан”, “Сөембикә”, “Гаилә һәм мәктәп”, “Түгәрәк уен”, “Мәгариф” журналларын теләгән һәр кеше үзендә булдыра алды. Каллиграфия буенча мастер-классларда да кеше өзелмәде. Кытай яисә гарәп графикасы белән үз исемнәрен язырга теләүчеләр күп булды бүген дә. Шулай итеп, атна буе дәвам иткән “Татарстан музейлары язы – 2014” акциясе “Библиотөн” дип исемләнгән чара белән тәмамланды. Атна дәвамында Милли музей һәм аның филиаллары белән 8000 ләп кеше бушлай таныша алдылар. Әлеге акция дәвамлы булып, киләсе елда да уздырылыр дигән өметтә калыйк.

Татарстан Республикасы Милли музеенда “Библиотөн”
Татарстан Республикасы Милли музеенда “Библиотөн”
Татарстан Республикасы Милли музеенда “Библиотөн”
Татарстан Республикасы Милли музеенда “Библиотөн”

крупнейшее в Татарстане научно-исследовательское и культурно-образовательное учреждение, имеющее общенациональное значение.

Оставить ответ